Unser Motto...

Vun Neppes bes zom Aldermaat do weed och hück noch Kölsch jeschwaat. Mit  janzem Hätze sin meer Drei bei jedem Klaaf un Tratsch dobei.

und unsere Prinzenstandarte...

Fahnen-Eid

zur Standarten-Übergabe am 8. Januar 2003  

 He bei dä Fahn gelovven ich,

dem Fasteleer verschriev ich mich.

Vun de Pömps bes huh zom Krage,

well nur uns kölsche Färv ich drage.

Ich well dä Fastelovend feere,

doch nie et räächte Moß verleere.

Ich well och bütze, schmieße, laache,

un ne Knubbel Freud meer mache.

Ich, - gläuvt et meer ehr huhe Heere -

well nie uns Vaterstadt blameere.

Uns Wöbche wolle rein mir halde,

de Strömp jebüjelt – ohne Falde.

Dat wann meer Fastelovend werke,

deit keiner sage: "Süch die Ferke."

Bei all dä Auftritte, die mir han

wolle treu mir stonn he unsere Mann,

Zwei Mont lang stonn mir jetzt parat

als Dreigesteen uns Vaterstadt.

Un mag et falle krütz ov quer,

mir halden treu zom Fasteleer.